Icesave var fellt á Alþingi..

Það er það sem Forseti Íslands þarf að átta sig á. Þingmenn VG röðuðu sér þannig á garðann að frumvarpið lak í gegn. En ef rýnt er í niðurstöðuna alla þá er auðvelt að sjá að frumvarpið var í raun fellt. Forsetinn á ekkert annað í stöðunni en að vísa icesave málinu til þjóðarinnar, enda er það þjóðin sem greiðir icesave að lokum.

Forseti tekur sér frest

Athugasemdir

[Sigurður Haraldsson, 31.12.2009 kl. 16:22]

Rétt þjóðin verður að vera sátt um að greiða þetta og þá á réttum nótum!

[Sigurður Grétar Guðmundsson, 31.12.2009 kl. 16:22]

Ekki veit ég hvar þú hefur verið þegar ICESAVE ábyrgðin var afgreidd á Alþingi. Tæplega hefur þú fylgst með sjónvarpi eða útvarpi, ef svo er þá hefurðu verið í annarlegu ástandi.

Þér til fróðleiks get ég upplýst þig um að ríkisábyrgð á ICESAVE skuldinni var samþykkt á Alþingi í gær seint 30. des. 2009 með 33 atkv. gegn 30.

Óska þér gleðilegs árs.

[Offari, 31.12.2009 kl. 16:34]

Nú þurfum við að geta treyst okkar forseta.

[Páll Höskuldsson, 31.12.2009 kl. 17:44]

Sigurður ég var fyrir framan sjónvarpið þegar kosið var í gær. Það sem við vitum báðir Sigurður er það að mikill þrýstingur var á liðsmenn VG sem kusu á móti eigin sannfæringu. Það vita allir og þess vegna lak frumvarpið í gegnum þingið.

[Sigurður Grétar Guðmundsson, 1.1.2010 kl. 13:48]

Ég ætla ekki neinum þingmanni það að greiða atkvæði um mikilvægt og alvarlegt mál eins og ICESAVE ábyrgðina vegna ákvarðana annarra og utanaðkomandi þrýstings. Ef svo væri mætti allt eins segja að þingmenn Sjálfstæðisflokks og Framsóknarflokks hafi verið handjárnaðir og þvingaðir til að vera á móti tillögunni, er það ekki allt eins líklegt? Var ekki flokkslegur þrýstingur á þingmenn þessara tveggja flokka?

En ég endurtek að ég trúi ekki öðru en að hver þingmaður hafi greitt atkvæði eftir eigin mati.

Offari, þú segist treysta á Forsetann. Það geri ég líka. Ég veit að jafn glöggur maður og Ólafur Ragnar Grímsson mun ekki hafna því að undirrita og samþykkja tillöguna frá Alþingi um ICESAVE. Þið sem látið hátt og hafið barist gegn þessari samþykkt sem Alþingi gerði 30. des. sl. hafið ekki, ekki nokkur maður, látið frá ykkur fara til hvað ráða skuli grípa ef allt færi í upplausn og tillagan annaðhvort felld á Alþingi eða forseti synjaði samþykktar.

Hvað tæki þá við? Eruð þið svo grunnhyggin að halda að þá gufu skuldin og krafan upp?

Nálægt 55.000 manns hafa undirritað áskorun til Forseta Íslands að undirrita ekki lögin um ICESAVE. Á fáu því sem kallast má lýðræðisleg gjörð hef ég eins lítið álit og almennum undirskriftum með aða á móti málum. Svo virðist að fjöldi manns sé ætíð tilbúinn til að skrifa undir hvað sem er. Þetta hefur verið notað i baráttunni um loftslagið og hópur manna fékk mikinn fjölda til að undirrita áskorun um að útrýma mengunarvaldinum H2O.

Þarf frekari vitna við um hvert er hægt að leiða fólk, ótrúlega margir voru tilbúnir til að vinna ötullega að því að útrýma VATNI.