Kjarkur er það sem þarf.

Það er ekkert nýtt í vali Ólafs á landsliði Íslands. Mér finnst það vera merkilegt hvernig þjálfarar Íslenska landsliðsins  í gengum tíðina hafa verið  hugmyndasnauðir og fastheldnir á val á íslenska landsliðinu. Ólafur er komin í sömu spor og forverar hans með liðið. Það vantar allan ferskleika og djarfar hugmyndir.

Við getum verið öll sammála um að við erum ekki ánægð með stöðu liðsins í HM riðlinum. Er ekki komin tími á nýjan hugsunarhátt og nýjar hugmyndir. Er ekki dagurinn í dag alveg tilvalin til þess að breyta og gefa ungum og efnilegum mönnum tækifæri?

Val á Hermanni Hreiðarssyni vekur furðu mína. Hvernig stendur á því að Hermann er valin og á við meiðsli að stríða? Hvernig stendur á því að miðlungs leikmenn sem spila í Norsku og Sænsku deildinni eru alltaf valdir? Er það nóg að spila með liðum erlendis og þá eiga menn greiða leið í liðið?

Framtíð Íslands er björt í heimi knattspyrnunnar en það þarf að hafa dug og þor til þess að gefa framtíðarleikmönnum tækifæri. Þeirra á að vera tækifærið.

Ísland fellur um fjögur sæti á FIFA-listanum

Athugasemdir

[Ævar (IP-tala skráð) 2.9.2009 kl. 16:28]

Til hvers að velja mann í liðið sem hefur ekki trú á því sem þjálfarinn er að gera? Hann myndi bara smita frá sér neikvæðni sem hefur auðvitað áhrif á liðið.

 Jóhannes er topp leikmaður það verður ekki tekið af honum,en ef ég væri landsliðsmaður og ósáttur við þjálfarann þá væri mér slétt sama það. Bara það að fá að spila fyrir mína þjóð væri það sem ég myndi hugsa um.

[Ævar (IP-tala skráð) 2.9.2009 kl. 16:31]

ósáttur við þjálfarann þá væri mér slétt "sama það", sama um það átti það vera..