Atgervisflótti lækna er rétt að byrja

Þrír reyndir sérfræðilæknar eru ýmist farnir eða á förum frá landinu til fastra starfa erlendis. „Í okkar heilbrigðiskerfi eru þrír læknar ansi mikið,“ segir Birna Jónsdóttir, formaður Læknafélags Íslands.

Er þessi frétt ekki eitthvað á skjön við það sem fjármálaráðherra segir. Ég held að Steingrímur sé ekki að valda því verkefni að leiða þjóðin út ógöngum hrunsins.

Yndislega ótrúlega ómerkilegt

Skattastefna að norrænni fyrirmynd

það er alveg greinilegt að skattastefna ríkistjórnarinnar er farin að virka. Steingrímur og Jóhanna tala um velferðarstjórn. Er það velferð að skattleggja fyrirtæki á þann hátt að þau verið að segja upp starfsfólki til margra ára? Hver verður kostnaðurinn við það að fá fleira fólk inná á atvinnuleysisbætur. Geta stjórnvöld svarað því.

 

Uppsagnir hjá Ölgerðinni

Er ekki komin tími til að tengja

Hvar ert þú staddur Össur Skarphéðinsson? Ég held að þú sért orðin fastur í fílabeinsturni eigin hugsunar. Þarf nokkuð að minna þig á það að það þarf samþykki þjóðar þinnar til þess að ganga inní ESB.

Ekki gleyma því.

Á methraða inn í ESB?

Stund sannleikans...

Þegar eigendur gefa út stuðningslýsingar við framkvæmdastjóra úrvaldsdeildarfélaga þá er stund sannleikans runnin upp. Rafa á viku eftir hjá Liverpool.

Benítez fær stuðningsyfirlýsingu

Nútíma sirkus.

Ég las bók um ævi Jóhanns Svarfdælings (risa) fyrir nokkrum árum. Jóhann lýsir því vel í bókinni hvernig hann hafði lífsviðurværi sitt af sýningum í Cirkusum í henni Ameríku. Mér fannst það vera frekar sorgleg lýsing á lífi manns sem hafði lifibrauð að vera til sýnis ásamt öðrum kynjaverum í Cirskusum Ameríku.

Heimsmetabók Guinness er nútíma Cirkus sem gerir út á það furðulega í heimi mannanna. Allir fjölmiðlar verða uppfullir af fréttum um þennan hávaxna Tyrkja á næstunni hérna á Íslandi , til þess eins að við getum gleymt icesave stundakorn.

Hæsti maður heims á leið til Íslands

Trúverðug ríkisstjórn

VG í Kópavogi vill fá Ögmund inn í ríkisstjórn aftur. Það tekur því ekki, ríkisstjórnin er fallinn. Ríkisstjórn Jóhönnu Sigurðardóttur er ekki fær um að leysa vandann sem í því fellst að stjórna landinu. Ögmundur getur hætt þessum pöpulisma og um leið gleymt því að verða aftur ráðherra í bráð.

Ögmundur verði aftur ráðherra

Í meðferð með manninn

Væri ekki nær að koma manninum í áfengismeðferð?

Vilja 230 milljónir kr. í skaðabætur frá áhorfenda

Slæmt samband í Tyrklandi.

Ummæli Guðfríðar Lilju í Silfrinu í dag var í raun og veru vandtraustyfirlýsing á Steingrím J. Sigfússon og gjaldfellir alla vinnu Steingríms í því að leita lausna fyrir Ríkistjórn Íslands. Það er holur hljómur og slæmt samband við allt sem er að gerast í Tyrklandi. Ég hef ekki nokkra trú á því að stjórn sú sem situr við völd í dag sé í raun til nokkurs gangs í því að finna lausnir á stöðu Íslands í dag.

 

Ekkert samkomulag um Rússalán

Pólland land andstæðna

Sú umræða sem átti sér stað á netmiðlum á Íslandi um Pólverja er ekki ný af nálinni fyrir Pólska þjóð. Sé saga Póllands skoðuð í gengum aldirnar þá fer það ekki framhjá nokkrum manni að Pólverjar hafa verið löngum fótum troðnir af öðrum þjóðum. Þar sem ég tel mig þekkja nokkuð vel til Pólverja eftir að hafa kynnst Pólskri þjóð undanfarin ár þá finnst mér umræða sem átti sér stað á Íslandi fyrir nokkrum vikum vera ekki hvað síst byggð á þekkingarleysi og fordómum gagnvart heilli þjóð.

Því ber ekki að neita að Pólsk þjófagengi hafa farið mikinn á Íslandi undanfarið. Þetta er vafalaust einhver versta landkynning sem nokkur þjóð getur óskaða sér. Það er staðreynd að þjófagengin hafa heldur betur látið til sín taka, en ég get fullvissað ykkur um það að Pólverjar á Íslandi eru leiðir og sárir yfir þessum atburðum enginn þarf að efast um það. Pólverjar á Íslandi vita sem er að neikvæð umræða um þá gerir búsetu á Íslandi erfiðari fyrir vikið

Annars er umræða um Pólverja ekki ný á nálinni á Íslandi. Í bók Halldórs Kiljan Laxness - Sjálfstæðu fólki, sem er skrifuð í upphafi síðustu aldar má finna eftirfarandi „ eins og ekki væru til trog né sængurföt í Ameríku,- þannig ku fjöregg þjóðlífsins í Póllandi hafa flust til Ameríku í fimmtíu eða hundrað ár og flytja en ef kostur er, sömuleiðis með sængurföt sín, ásamt hjólunum af blessuðum gömlu skítakerrunum sínum, af ótta við að ekki séu til nein hjól í Ameríku.“ Þarna getum við séð með augum skáldsins þá sýn sem umheimurinn hefur haft á Pólverjum á þessum tímum. Og þarna er ekki verið að skafa utan af hlutunum hjá skáldinu mikla. Húmorinn aldrei langt undan heldur og ég er sannfærður um að Pólverjar þola þessa lýsingu vel.

Þegar maður kemur til Póllands er eitt að því fyrsta sem maður tekur eftir í Póllandi eru þessar miklu andstæður sem allstaðar er að finna. Þar sem nýi og gamli tíminn mætast á hverju degi. Það er líka staðreynd að ekki er svo ýkja langt síðan að Pólverjar lifðu við ofríki stjórnvalda. Það er heldur ekki svo ýkja langt síðan að það var útilokað var að sækja vinnu þar sem vinnuna var að fá. Hið lokaða og miðstýrða Pólland er á undanhaldi. Mikill uppgangur hefur verið heima fyrir í Póllandi og hefur hagvöxtur hvergi verið meiri en einmitt í Póllandi af löndum í Evrópu nú um stundir. Pólverjar gengu inní ESB árið 2004.

Pólverjar sem hófu að flytja til Íslands seinni hluta síðustu aldar hafa einungis haft áhuga á því að samlagast Íslensku samfélagi sem frekast getur orðið. Flestum Pólverjum hefur gengið það vel og hafa margir Pólverjar fest rætur á Íslandi, þar sem þeim hefur vegnað vel og lifa í sátt og samlyndi við Íslenska þjóð. Auðvita ber að varast að vera með fullyrðingar þegar talað er um fjölda manns hvað þá heila þjóð. Ég held þó að Pólverjar hafi þótt vera duglegt og starfsamt fólk. Stundum hef ég velt því fyrir mér hvernig standi á því að Pólverjar hafi komið í svona miklu mæli sem raun ber vitni undan farin ár hingað til Íslands? Ég hef ég komist að þeirri niðurstöðu að Pólverjar eru vinsælir í störf þar sem Íslendingar fást ekki til að vinna. Þetta eru störf við iðnað, fiskvinnslu, umönnum á sjúkum og öldruðum svo fátt eitt sé nú nefnt. Merkilegast þótti mér frétt sem ég sá um daginn að sóttir voru áttatíu Pólverjar til starfa í sláturhúsi út á landi , þar sem enginn Íslendingur fékkst til starfans, þrátt fyrir atvinnuleysis tölur uppá tæp 12% hjá vorri þjóð.

Það má heldur ekki gleyma að Pólland er mikilvægt markaðsland fyrir okkur Íslendinga.Tölur frá Hagstofunni þar sem ég fékk upplýsingar um útflutningstekjur okkar Íslendinga árið 2008 til Póllands voru tæpir fjórir og hálfur miljarður. Það hlýtur að muna um minna og ég tel víst að það eru miklir möguleikar á því að koma Íslenskum vörum á markað í Póllandi nú um stundir.

Það sýndi sig líka hvernig hjartalag Pólverja er þegar kemur að vináttu og stuðning við Ísland. Nú þegar icesave umræðan ber hvað hæst hjá þjóð vorri og Alþjóðagjaldeyrissjóðurinn , Bretar og Hollendingar og vinir okkar á norðurlöndum eru með hnífinn á hálsi Íslenskrar þjóðar svo notuð séu orð fyrrum Heilbrigðisráðherra, þá stigu Pólverjar fram og buðu lán okkur til handa. Þar var ekki verið að tala að við þyrftum að greiða icesave skuldbindingar fyrst.

Um daginn minntust Pólverjar þess að sjötíu ár eru síðan að Þjóðverjar réðust inní Pólland, sem varð upphafið á síðari heimstyrjöldinni. Þetta er ekki eina styrjöldin sem háð hefur verið í Póllandi. Pólland hefur verið löngum bit bein á milli vestur og austurs þar ræður lega landsins ekki hvað mestu um. Pólland á landamæri að sjö ríkjum. Þannig að samvinna er nauðsynleg á milli þjóða.

Ég hef sjálfur dvalið annað slagið undanfarin ár í Póllandi til þess eins að kynnast þessari stórkostlegu þjóð betur.Hvar sem ég kem og hvert sem ég fer, er alltaf tekið vel á móti mér og þykir mér Pólverjar vera einkar gestrisnir og gott fólk heim að sækja. Ég hvet alla til að fara til Póllands og sjá með eigin augum allt það stórkostlega sem ein þjóð hefur uppá að bjóða og ég get fullvissað ykkur um þar er bjartsýn og velmetandi þjóð þar sem Pólverjar eru.

Búið að staðfesta pólska lánið

Kjarkur er það sem þarf.

Það er ekkert nýtt í vali Ólafs á landsliði Íslands. Mér finnst það vera merkilegt hvernig þjálfarar Íslenska landsliðsins  í gengum tíðina hafa verið  hugmyndasnauðir og fastheldnir á val á íslenska landsliðinu. Ólafur er komin í sömu spor og forverar hans með liðið. Það vantar allan ferskleika og djarfar hugmyndir.

Við getum verið öll sammála um að við erum ekki ánægð með stöðu liðsins í HM riðlinum. Er ekki komin tími á nýjan hugsunarhátt og nýjar hugmyndir. Er ekki dagurinn í dag alveg tilvalin til þess að breyta og gefa ungum og efnilegum mönnum tækifæri?

Val á Hermanni Hreiðarssyni vekur furðu mína. Hvernig stendur á því að Hermann er valin og á við meiðsli að stríða? Hvernig stendur á því að miðlungs leikmenn sem spila í Norsku og Sænsku deildinni eru alltaf valdir? Er það nóg að spila með liðum erlendis og þá eiga menn greiða leið í liðið?

Framtíð Íslands er björt í heimi knattspyrnunnar en það þarf að hafa dug og þor til þess að gefa framtíðarleikmönnum tækifæri. Þeirra á að vera tækifærið.

Ísland fellur um fjögur sæti á FIFA-listanum