Leikritið um Hróa Hött er senn á enda runnið.

23.2.2010 | 20:13

Leikritið um Hróa Hött er senn á enda runnið.

Ekki ætla ég að rengja Jóhannes kaupmann Jónsson um að viðmót viðskiptavina Haga sé með ágætum. Það kann vel að vera. Ég hlýt samt að spyrja þeirra spurningar hvort niðurstaða skoðunarkönnunar MMR - geti ekki verið uppsöfnuð reiði í garð þeirra Bónusfeðga ?

Reiðin í þjóðfélaginu sem beinist í átt að þeim feðgum er vegna risa gjaldþrotafélaga þeirra feðga - gjaldþrota sem skilur Íslenskt þjóðfélag eftir í sárum sem seint munu gróa. Afleiðing gjaldþrotafélaga þeirra feðga mun hafa stór áhrif á lífskjör Íslensks almennings næstu áratugina.

Það má einnig minnast á þá sérmeðferð sem Hagar hafa fengið hjá Arionbanka hefur ekki verið að hjálpa til þess að slá á þá gremju sem býr í brjóstum almennings.

Þannig að það má segja að Hrói Höttur hins lága vöruverðs á Íslandi - sé orðin nakinn, svona svipað og sagan um Nýju föt keisarans kenndi okkur um árið.