Framsókn á sjans

Ég er farin að hallast að Framsóknarflokknum. Það hefði ég talið óhugsandi fyrir nokkrum vikum síðan. Það sem hefur breyst hjá mér er það að VG og SF munu ekki ná saman í ESB umræðunni. Það er himinn og haf þar á milli.

Framsóknarflokkurinn hins vegar gæti verið sá flokkur sem gæti komið á Evrópulestina með SF. Við getum ekki verið lengur fyrir utan EBS, veik króna segir þar allt sem segja þarf. Framsóknarflokkurinn hefði þurft að gera betur grein fyrir arfleiðinni og hvernig flokkurinn hefur gert upp við fortíðina gangvart fyrrum stjórnendum flokksins.

Samt tel ég xB vera það eina rétta eins og staðan er í dag. Hvað með þig?

O-listi fengi fjóra

Athugasemdir

[Baldvin Björgvinsson, 21.4.2009 kl. 11:20]

Uhhh? NEI... ekki meðan ég dreg andann.

[Ína (IP-tala skráð) 21.4.2009 kl. 11:29]

Ja, eftir þennan borgarafund á Selfossi er ekki víst að VG og SF geti starfað saman. ESB er stóra málið ef við eigum að sjá fram á sæmileg lífsgæði hérna í framtíðinni. Kannski verða Samfylking, Framsókn og Borgarahreyfing í næstu ríkisstjórn. Þannig væri hægt að fara í aðildarviðræður eða hvað? Þetta verður mjög spennandi því næsta helgi sker úr um það hvort fólk sér einhverja framtíð í því að búa hér á landi. Veit að margt ungt fólk hugsar sér til hreyfings ef einangrunarsinnar og afturhald munu stjórna landinu eftir kosningar.

[Gísli Ingvarsson, 21.4.2009 kl. 11:39]

Framsókn er alveg ágætis kostur í stað VG sem er búið að mála sig út í horn með XD. Borgaraflokkurinn er kannski ekki sem verstur kostur heldur. Þar fara reyndar órútíneraðir stjórnmálamenn og þeir þurfa að læra á pólitík sem getur reynst mjög sársukafullt. Framsókn og þá aðrir gamlir flokkar hafa reynslu og það er hægara að treysta henni. Sameiningu Borgaraflokks og Framsóknar ætti að koma til leiða með lagni.

[Páll Höskuldsson, 21.4.2009 kl. 11:41]

Hárrétt Ína. Það er eitthvað það versta sem gæti gerst í dag á íslandi væri að einangrunarsinnar tækju bólfestu til langframa með óljósar hugmyndir um upptöku nýs gjaldmiðils fyrir almenning og fyrirtækin í landinu.

Fylgi O kemur mér á óvart ekki síst vegna þess að þeir eru með frekar barnalegar hugmyndir og óljós markmið. Populsimi eins og hann gerist hvað verstur.

Það er kosið um ESB í kosningunum á laugardag. Spennandi kosningar framundan.

[Salvör Kristjana Gissurardóttir, 21.4.2009 kl. 11:48]

Mér líst vel á Framsókn. Enda er ég í 4. sæti í Reykjavík suður.

[Páll Höskuldsson, 21.4.2009 kl. 11:52]

Sæl Salvör. Þá spyr ég þig eftirfarandi. Eruð þið Framsóknarmenn tilbúnir að fara í aðildarviðræður um ESB strax eftir kosningar? Það er það sem fyrirtæki og fólk í landinu kallar eftir. Öll stóru aðildarfélögin og verkalýðshreyfininginn og ASÍ.

[Hlini Melsteð Jóngeirsson, 21.4.2009 kl. 12:54]

Sæll Páll,

Svarið við því er já. Framsókn er tilbúið í aðildarviðræður. 

[Páll Höskuldsson, 21.4.2009 kl. 13:14]

Ég er sammála Guðna Ágústssyni um að stjórnin sprakk í beinni útsendingu frá Selfossi í gærkvöldi.