Hugsað upphátt

 Ég er í reynd aðeins að hugsa upphátt. Það sem ég er að hugsa er það hvar erum við stödd sem þjóð í alþjóðlegu samhengi. Gordon Brown og UK eru búin að sturta okkur niður sem vinaþjóð. Nágrannar okkar halda að sér höndum og þora ekkert að gera og vilja ekki aðstoða okkur af ótta við að styggja ekki stórabróður og AGS. Þarna er ég að tala um hinar norrænu þjóðir. USA hefur kvatt okkur og kallað herinn heim og vill sem minnst af okkur vita.  

Af hverju er ég að hugsa þetta? Jú vegna þess að það dylst engum andúð Breta á okkur sem þjóð. Þeir hreinlega líta niður á okkur og telja okkur öll fífl og fávíta s.b.r. ummæli Gordons Brown úr breska þinginu um daginn.  Ég veit um eina vinaþjóð sem sté fram og bauðst til að aðstoða okkur strax í haust með því að veita okkur lán. Það eru Pólverjar, þar sem ég þekki vel til Póllands þá get ég sagt þér að við eigum svo sannarlega bandamann þar. Pólverjar eru okkur þakklátir fyrir að hafa veitt mörgum Pólskum manninum aðstoð í formi vinnu. Þeir kunna að meta það svo sannarlega. Sorglega við það var samt að engin íslenskur ráðamaður hafði hugmynd lánið okkur til handa. Meira segja Geir H gunga gleymdi að þakka fyrir lánið. Hann var á fullu á þeim tíma að vinna að verkefninu „ gerum ekki neitt“.

  Kæri lesandi ég sendi þér linkinn á lag með Soyka sem er elskaður tónlistamaður í Póllandi og Nick Cave upptakan er tónleikum í Warsawa fyrir nokkrum árum. Endilega hlustaðu á þetta fallega lag  sem er boðskapur fyrir okkur öll sem trúum á betri heim.-

 

http://www.youtube.com/watch?v=NhD7oGe0_Rc&feature=related

Hafa fengið nóg af Bretum

Athugasemdir

[Guðmundur Ásgeirsson, 8.5.2009 kl. 18:25]

Það er reyndar ekki rétt að allir bretar séu andsnúnir okkur þó að ríkisstjórn þeirra sé það. Christie's (góðgerðafélagið sem á í hlut) er t.d. búið að gefa út yfirlýsingu þar sem það gagnrýnir ummæli Browns harðlega og áréttar hið sanna í málinu, að KSF var breskur banki undir eftirliti FSA (breska fjármálaeftirlitsins). Innstæðutrygginar vegna KSF eiga því að falla á breska innlánstryggingasjóðinn, ekki þann íslenska, en einhverra hluta vegna eru innstæður í KSF samt þær einu sem hafa ekki enn verið greiddar út af breskum stjórnvöldum. Og það þrátt fyrir að þau hafi tekið KSF eignarnámi gagngert til þess að standa straum af þeim kostnaði. Það er eitthvað meira á bakvið þetta en liggur í augum uppi...

[Guðrún Sæmundsdóttir, 8.5.2009 kl. 20:47]

Þetta er nú bara sýnishorn af þeirri meðferð sem bíður okkar sem pínulítið ESB ríki með 5 þingmenn af 750