Baugsmiðlar

Það sem fær mig til að hugsa upphátt er það hversu ótrúlega mikill harka hefur verið í kringum þetta svokallaða '' Baugsmál''. Baugsmálið er og hefur verið sem helsi á almenningi í landinu í mörg ár og ekkert lát virðist vera á. Ég tók eftir því hvernig Davíð talaði um Baug og Baugsmiðla.

Erum við almenningur ekki búin að fá nóg af því máli ?

Helgi Magnús: Davíð sendi bréf

Gramur Davíð

Ferlega var þetta dapurt viðtal við Davíð. Mér sýnist sá ágæti maður sé alveg búin á því.  Eftir áratuga forystu í íslensku þjóðlífi er Davíð á útleið. Var þetta ekki bara lokaviðtalið? tjaldið er fallið.

Fjármagnsflutningar Kaupþings höfðu mikil áhrif á Bretana

Blue eyes

Þegar ég las þessa frétt þá er mér hugsað til baka þegar Jón Ásgeir sat í settinu hjá Silfur Egils og sagði og horfði með bláum augum í linsuna hjá sjónvarpsmönnum, '' Tortola - eyjur nei aldrei heyrt þær nefndar ''.

Mörg hundruð eignarhaldsfélög hafa verið stofnuð á ströndum Tortola - eyja, næsta spurning er af hvaða mönnum?

Skattaskjólin misnotuð

Söguskýring hin síðari.

Þetta byrjaði allt með banvænum kossi á sólríkum degi á Þingvöllum. Kossinn var vart þornaður af vörum elskendanna þegar fyrst regndropinn féll til jarðar. Það sáust dökk ský á himni í fjarska.

 Geir hringdi í Erhard veðurmann í SÍ og spurði '' hvernig er veðurspáin hjá ykkur veðurmönnum í SÍ''. Erhard veðurmaður  sagði það er bara sól í kortum mínum með miklum og háum stýrivöxtum. '' Settu á þjóðarskútuna á fullaferð áfram og fangaðu hvíta gullkálfinn öskraði Erhard á Geir ráðalausa.  Má ég minna þig á það Erhard að ég er skipstjóri á skútunni? sagði Geir ráðalausi. Þegiðu Geir ráðalausi og gerðu eins og ég segi sagði Erhard og það skein í gular tennurnar.

Þjóðarskútan byrjaði að velta og um borð var hver höndin upp á móti annarri. Alþýðustormurinn var skollinn á með miklum þunga. Hvað eigum við að gera sagði Geir við Sollu? bæði voru orðin lasin og löskuð eftir ástandið um borð, notaðu brynvörðu lögreglumennina hans Bjössa Dómsmálaráðherra og  notaðu þá sem hlífiskildi fyrir okkur, sagði Solla. Í fjarska heyrðist í Alþýðustorminum, ætlum við að mæta næsta laugardag og mótmæla og vera ennþá fjölmennari, sagði rödd fólksins. Jáaaaaaaaaaaaaaaaaa öskraði skrílinn. Hversvegna var þessi trúbardor að koma aftur heim til íslands úr útlegðinni í Kaupmannahöfn stundi Geir ráðalausi.

Um borð var komið uppreisnarástand, hver höndin uppá móti annarri,  feiti fressin í Iðnarráðuneytinu spurði hvort einhver vissi um hvar mötuneyti væri að finna. Í sortanum og óveðrinu sem gekk yfir skipið heyrðist rödd segja, '' þetta gengur ekki lengur minn tími er komin ég tek við stjórninni''.  Skipti engum togum að Jóhanna gekk uppí brú og ýtti Geir og Sollu burt frá stýrinu, hún tók traustum höndum um stýrið og sagði hvar er Steingrímur er hann ekki búin að klára Stýrimannaskólann eftir 18 ára skólasetu. Steingrímur brást skjótt við og greip í stýrið með Jóhönnu, það sást blika í ráðherrastól í auga Steingríms.

 Fylgist  með í næsta kafla þegar Jóhanna segir við Erhard,'' drullaðu þér í burtu Erhard þú ert búin að skaða þjóð þína nóg''.

Hannes Hólmsteinn: Óvinir Davíðs

Flogið með himinskautum

Hún hefur flogið hátt frúin á Bessastöðum og gerir enn. Eftir að hafa verið fremst meðal jafningja í klappliði útrásinnar þá hefur hún en margt til málanna að leggja. Nú á að breyta íslandi í nýtt Dubai norðursins. Hafið þið heyrt það betra.

Það sem mér er efst í huga núna þegar súpueldhúsin spretta upp um allt land eftir að útrásavíkingarnir vinir hjónanna á Bessastöðum hafa tekið auðævi landsmanna í nefið og flutt til framandi eyja við Karabískahafið.

Höfum við áhuga á ráðdeild frúarinnar á Bessastöðum? - ekki ég takk fyrir. Liðið á Bessastöðum er ekki klapplið mitt. Hefur í raun aldrei verið.

Dorrit: Ísland verði svalari útgáfa af Dubai

Dánadægur frjálshyggjunnar

Spurning dagsins er sú hvernig prófessor Hannesi Hólmsteini Gissurarsyni lýst á arfleið frjálshyggjunnar? Mér sýnist allavega að það sé búið að sturta frjálshyggjunni niður í eitt skipti fyrir öll. Hún er dáin.  Blóm og kransar afþakkaðir en þeir sem vilja minnast frjálshyggjunnar er vinsamlegast bent á Seðlabankann.

Miðstöð fyrir fólk í erfiðleikum

Steingrímur flottur

Steingrímur á eftir að koma okkur íslendingum á rétta braut aftur. Núna getur dýralæknirinn farið að sinna sauðfjárveikum lömbum í sveitum landsins. Loksins fáum við vinstri velferðarstjórn sem mun leiða land okkar til nýrri og bjarti tíma.

Hugnast norska krónan

Jöfnuður handa fólkinu...

Þessa daganna er mikið talað um nýtt ísland, menn setja sig í stellingar og verða miklir hugsuðir og horfa inní framtíðina með miklum spekingssvip. Mikill umræða fylgir í kjölfarið um að það þurfi að stofna nýtt lýðræði á íslandi. Það er m.a. krafa Framsóknarmanna sem fylgir því að verja minnihluta stjórn VG og Samfylkingar falli. Það er líka horft inní óræða framtíð landsins með inngöngu í EB. Olli Rehn starfsmaður í reception hjá EB talar um hvalreka að fá íslandi inní sambandið. Við eigum að fara í aðildarviðræður til þess að sjá á svörtu og hvítu hvað er í boði okkur til handa.

Um leið og við göngum inní nýtt ísland þá þurfum við að spyrja okkur hvað við ætlum að gera við gamla ísland? Heimili og fyrirtæki eru komin í þrot og það sem meira er að trú á íslensku viðskiptalíf er í svo miklu lágmarki að forsvarsmenn bankanna hafa flutt eignir sínar yfir á eiginkonur og mæður sínar

Sá jöfnuður sem skiptir mestu máli á íslandi er jöfnuður til handa fólkinu sem býr í landinu. Skipting kökunnar hefur verið vitlaust skipt í mörg ár, áratugi. Við þurfum að geta farið að treysta aftur stjórnvöldum og hinu opinbera. Það þarf að koma til móts við þarfir fólks. Við þurfum jöfnuð og sanngirni til handa fólki í landinu. Sá jöfnuður gæti hafist í dag með því að stjórn Sjálfstæðisflokks til 2 áratuga fari frá völdum.

Með von í hjarta um betra land okkur öllum til handa.

Nánast jöfnuður á vöruskiptum

Valdalaus Seðlabanki

Davíð er bara umboðsmaður IMF á íslandi. Það er greinilegt að IMF treystir ekki verðandi fjármálaráðherra Steingrími J Sigfússyni.

Vildu lækka vexti en ekki IMF

IMF

Ákvörðun IMF að halda áfram með stýrivextina í hæðstu hæðum mun valda heimilum og fyrirtækjum miklum búsifjum. Það er um leið verið að taka allt súrefni úr íslensku viðskiptalífi. Markaðir eru orðnir botnfrosnir og fyrirtæki að fara í gjaldþrot með þeim afleiðingum að fjöldi manns er að missa vinnuna og fer á atvinnuleysiskrá.

Aðgerðir IMF eru þær dýrustu sem við gátum valið sem sjálfstæð þjóð. Ég er sammála Steingrími J að við eigum að endurskoða samninginn sem m.a felur í sér að Ice Save er hengt um háls íslenskrar þjóða með miklum byrðum fyrir komandi kynslóðir. Er það sem við viljum?

Óbreyttir stýrivextir