Gamla nýlenduveldið sýnir klærnar

Djöfulsins valdhroki hjá Hollendingum. Það eitt er erfitt að skrifa undir þennan Ice Save klafa svo ekki bætist ofaní kaupið handrukkara taktar frá Utanríkisráðherra Hollendinga. 

Það er alveg með ólíkindum að vera komin í þessa ömurlegu stöðu vegna hálfvita sem stjórnuðu Landsbankanum. Nær væri fyrir Hollensk stjórnvöld að senda handrukkaranna heim til fyrrum stjórnenda Landsbankans og sækja peningana þangað. Hollendingar eru komnir í nýlenduskóna gagnvart okkur. 

Þrýst á Íslendinga

Verðmiðinn inní ESB

Þjóðin er klofin í herðar niður í ESB málinu. Samfylkingin ætti að ganga hægt um gleðinnar dyr. Aðgöngumiði að stjórnarsetu er VG dýr. Margir eru sárir eftir þessa atkvæðagreiðslu og það sem á eftir að koma til atkvæðagreiðslu Alþingis, Ice Save samningurinn getur splundrað stjórninni næsta auðveldlega.

Við megum ekki gleyma því að aðgöngumiðinn að ESB er Ice Save. Þá er ekki spurt að verði þess miða. Krafa Breta og Hollendinga er sú að þjóðin verði að greiða Ice Save. Fyrr komust við ekki inní herlegheitin í Brussel.

Þannig er nú það.

Samþykkt að senda inn umsókn

Stórveldið stendur í ströngu

KR hefur verið að spila fínan bolta undanfarið þrátt fyrir óhagstæð úrslit inná milli í Pepsí deildinni. Ég hlakka til að mæta í kvöld og sjá mína menn spila á móti Grikkjunum. Hef trú að það geti orðið óvænt úrslit í kvöld. Auðvita standa allir á Íslandi með stórveldinu í kvöld sama hvaða liði þeir halda með á Íslandi. Því það er vitað að allir eru KR ingar inn við beinið.

Tveir frá hjá KR-ingum

Borgarahreyfingin komin í klækjastjórnmálin

Frétt dagsins í dag sem er að kvöldi komin er ...... Borgarahreyfinginn útskrifaði sig út af þingi sem heiðalegur stjórnmálavettvangur. Klækjastjórnmál var það sem átti að uppræta á þeim bænum. Koma fram með vönduð vinnubrögð.

Þór Saari & co urðu bekkjafélagar fjórflokksins. Er það nema von að fólk sé hætt að taka mark á þessum trúðum á Alþingi.  

Niðurstaða um ESB á hádegi

Rafmagnað loft í miðbænum

Ég var staddur í miðbænum núna rétt áðan. Það kom uppí huga minn setning úr ljóði Eggerts Ólafssonar, þrútið var loft og þungur sjór. Í dag verður greitt atkvæði um eitt umdeildasta mál íslenskrar þjóðar. Innganga í ESB.

Þegar ég stóð og virti mannlífið fyrir mér í veðurblíðunni mátti heyra lúðraþyt og slegið takfast á Gong ásláttarhljóðfæri til þess að minna á hvað mikill alvara fylgir málinu. 

Valgerður Bjarnadóttir þingmaður Samfylkingarinnar átti leið fram hjá mannfjöldanum og var gerð hróp að Valgerði. Einhver kallaði til Valgerðar að hún væri landráðamaður ef hún greiddi atkvæði inngöngu í ESB. 

Mér varð hugsað til þess að sama hvernig atkvæðagreiðslan fer á eftir er eitt víst, þjóðin verður klofin í herðar niður. Það má gera fyrir því að jafn margir séu með og á móti aðildarumsókn þjóðarinnar inní ESB.

Ég tel að svipað ástand geti gerst á Austurvelli og gerðist þegar við ákváðum að ganga í NATO, árið 1949, það skyldi þó aldrei verða.  

Óvíst um atkvæðagreiðslu

Samningastaða okkar er góð

Þessi litla frétt sýnir svo ekki verður umvillst að samningsstaða okkar í Ice Save málinu er góð. Svo fremi sem við sendum alvöru sendinefnd. Sendinefnd sem ekki er að flýta sér að klára málin með þeim afleiðingum að íslenskur almenningur sitji eftir með sárt ennið og þurfi að borga fyrir syndir Landsbankamanna.

Idefance hópurinn hefur verið að benda á þetta. Við eigum ekki að samþykkja þennan skuldaklafa fyrir komandi kynslóðir í landinu.

Icesave-deilan vekur athygli í Bretlandi

Unglingurinn úr Dölunum.

Skrítinn flokkur þessi VG. Þetta er greinilega ekki sami flokkurinn og þegar hann var í stjórnarandstöðu. Grímulaus áróður fyrir Ice Save skuldaklafanum um að sá samningur sem núna á að fara að greiða atkvæði um sé beszti samningur sem hægt hafi verið að fá.  Og þá er ekki spurt um það hvort við getum greitt þennan kalleik. Lilja Mósesdóttir hefur samt komið fram með rök um það að við eigum sem þjóð að hafna samningum, Lilja veit sem er að við erum orðin of skuldsett til að geta greitt þenna reikning Björgólfanna.

Upphlaupið hjá unglingnum úr Dölunum , sýnir hins vegar hversu mikill vandræðagangur er með aðildar umsókn stjórnarinnar að ESB. Það lá alltaf skýrt fyrir í kosningabaráttunni að VG vildi ekki inngöngu í ESB. Í því máli er einnig viðsnúningur, svo má af orðum unglingsins úr Dölunum ráða.

Ég held að sú stjórn sem er við stjórnvöldin núna hafi tekist afar illa upp með flest þau mál sem á borðið hefur komið. Þá er ég ekkert að gera lítið úr því að erfiðleikarnir sem íslensk þjóð stendur frammi fyrir séu litlir. Stjórnvöldum er vorkunn. Þeim er vorkunn að það er ekki mannaval í stjórnarliðinu til að fást við jafn stór og alvarleg mál og við eigum við að glíma.

Nú mun einhver reka upp ramakvein og segja að ekki hafi hinir flokkarnir staðið sig betur og bölva þeim í sand og öskur. Það er hinsvegar ekki spurt af því. Það er spurt af því hvort núverandi stjórnvöld séu hreinlega hæf til að axla þann vanda sem fylgir því að leiða íslenska þjóð uppúr vanda þeim er við glímum við í dag.

Svar mitt við þeirri spurningu er NEI. Stjórnvöld ráða ekki við vandann, Steingrímur spurði um daginn hvort við ætlum hreinlega að gefast upp ?? Hann þarf að hringja í unglinginn í Dölunum og spyrja hann hvort hann hafi gefist upp.

Ásmundur farinn í heyskap

Össur er sem feitur fress.

Það er eftirspurn eftir hæfum leiðtogum til að sigla skútunni örugglega í höfn. Mér sýnist koma berlega í ljós að Össur ráði á engan hátt við verkefni sitt sem Utanríkisráðherra. Það er bullandi tortryggni með störf hans.

Hvað sem má segja um Ice Save samninginn, þá hlýtur það vera krafa dagsins að öll gögn komi fram í dagsljósið. Hvernig verður hægt að afgreiða samninginn á sem bestan hátt ef öll gögn koma ekki fram.

Þar er hlutverk ráðherra stórt og veigamikið, það virðist hinsvegar Össur Skarphéðinsson ekki ráða við. Því miður Össur er gamall og lúinn fress sem hefur haft níu líf eins og kötturinn, spurning hvort að níunda lífið sé ekki bara búið hjá honum.

 

Fór fram á afsökunarbeiðni

Vanhæf ríkisstjórn.

Vanhæf ríkisstjórn. Frú Joly hreinlega benti á það í kvöld. Það verður aldrei friður fyrr en að sannleikurinn fær að koma í ljós. Ríkisstjórnin er að falla- fellur þegar Ice Save gjörningurinn verður tekin fyrir. Það er ekki bjart framundan þetta sumarið.

Ríkisstjórnin er að vanmeta þolinmæði og reiði almennings.

 

Björn verður ríkissaksóknari

Vanhæf ríkisstjórn

Hafið þið heyrt annað eins. Okkur er bara ekki viðbjargandi. Eva Joly hefur fengið nóg og starf hennar er ekki hafið.

Það er eins og það séu öfl hér í landi sem vilja ekki að neitt komi uppá yfirborðið. Hagsmunir margra sem ráða för á íslandi eru svo tengd hruninu að en er reynt að hylma yfir allt ruglið.

Eina sem íslenskur almenningur á að fara fram á er að erlendir aðilar verði kallaðaðir að borðinu ekki seinna en strax og taki til að rannasaka heila bixið.

Vanhæf ríkisstjórn.

Eva Joly íhugar að hætta